Føroyskt handilsátak í Turkalandi

Handilssáttmálin millum Føroyar og Turkaland er komin í gildi, og í tí sambandi er føroyskar fyritøkur ein túr í Turkalandi.

Við í ferðalagnum eru bæði útflutnings- og innflutningsfyritøkur.

Vitjað hevur m.a. verið á størsta uppboðssølumarknaðinum í Evropa, hjá fleiri innflytarum og handilsketum, og fleiri turkiskir innflytarar nýttu eisini høvi at hitta føroysku fyritøkurnar. 

Poul Michelsen, landsstýrismaður í uttanikis-og vinnumálsum, sum stendur á odda fyri ferðini, sigur, at ítøkiligur áhugi er fyri føroyskum vørum. 

- Nú føroyskar vørur hava tollfría atgongd á turkiska marknaðin, eru góð útlit fyri at knýta handilssambond millum Føroyar og Turkaland, sigur hann.

Føroyskar vørur eru longu komnar á turkiska marknaðin.

Føroysku fyritøkurnar, sum hava verið í Turkalandi, eru Pelagos, Varðin, Varðin Pelagic, Havsbrún, Bakkafrost, MBM og Bilrøkt.

Á ferðini hevur Poul Michelsen eisini hitt turkiska búskaparmálaráðharrin, Nihat Zeybekci.

Fleiri myndir eru at síggja á heimasíðuni hjá Uttanríkis- og vinnumálaráðnum.