Uppskotið um Hvalbiartunnil lagt fram

43 uppskot vórðu løgd fyri tingið í gjár, nú seinastu framløgudagur var.

Millum uppskotini, er uppskotið frá Henrikki Old, landsstýrismanni, um at gera nýggjan Hvalbiartunnil.

Sambært uppskotinum verður nýggjur tunnil verður gjørdur av Gjánhamri í Trongisvági til Niðastabotn í Hvalba, og landsvegur verður gjørdur frá tunnilsmunnanum Trongisvágsmegin til verandi landsveg í Trongisvági. Hvalbiarmegin verður landsvegur gjørdur frá tunnilsmunnanum til Nesveg, tætt við brúnna um Kjógvavatn.

Tunnilin verður umleið 2,5 kilometrar langur, og eftir ætlan skal hann verða liðugur í 2022.

Byggiútreiðslurnar til verkætlanina kunnu í mesta lagi vera 272 mió. kr.

Núverðandi Hvalbiartunnil var liðugur í 1963 og er elsti tunnil í landinum.

Og tingmennirnir Jenis av Rana, Kaj Leo Holm Johannesen, Jacob Vestergaard, Heðin Mortensen og Kristin Michelsen hava lagt uppskot til samtyktar fram um, at vegurin og tunnil til Fámjins skal bjóðast og gerast í sambandi við gerð av Hvalbiartunnilin.