Bakkafrost keypir stórt fóðurskip

Skipið verður útgjørt við fóðurskipanini, sum JT Electric hevur ment á Kambsdali.

Hetta er annað fóðurskipið, sum JT Electric letur Bakkafrosti, og tilsamans hevur fyritøkan latið átta fóðurskip til føroysku alivinnuna.

Arbeiðið verður gjørt á einari skipasmiðju í Póllandi. Tøknin verður gjørd í Føroyum og sett í skipið á pólsku skipasmiðjuni. 

Á JT Electric starvast 33 fólk. Seks fólk starvast á menningardeildini, sum mennir nýggjar skipanir og vørur til alivinnuna bæði í Føroyum og uttanlands.