- Tíðindi, mentan og ítróttur
Siglingin hjá SSL darvað
![](https://kvf.fo/sites/default/files/styles/grein-ovasta-mynd/public/skopun_teistin.jpg?itok=23wb8E7J)
Heri Norðberg, ferðslusamskipari hjá Strandferðsluni, segði við tíðindasendingina klokkan 7, at veðrið darvar siglingina hjá strandferðsluni í morgun.
Teistin avlýst alla sigling fyribils
Heri Norðberg veit ikki at siga júst nær, Teistin tekur siglingina upp aftur. Lýst verður við hesum seinni, sigur hann.
Ternan siglir væntandi aftur kl. 16.20
Vegna vánaligt veður siglir Ternan ikki túrin úr Tórshavn kl. 12.30. Eftir ætlan siglir Ternan tó aftur kl. 16.20 og síðani eftir ferðaætlan.
Smyril siglir kanska aftur kl. 13.30
Eftir ætlan verður siglingin hjá Smyrli tikin upp aftur kl. 13.30, men Heri Norðberg sigur, at siglilíkindi har suðri eru øgiliga ring.
- Tað er torført at fáa tingini at hanga við so vánaligum siglingarlíkindum, sum tað eru í løtuni, sigur hann.
Les meira og dagfør teg um siglingina hjá Strandferðsluni her.