Leiðarar lovprísa Putin

Ein teirra er forsetin í Kina, Xi Jinping, sum takkar russiska forsetanum fyri góða og rættvísa samstarvið millum londini.

Eisini forsetin í Kasakstan, Nursultan Nazarbayev, fagnar russiska forsetanum.

- Hann hevur framt víðfevndar sosialar og búskaparliga nýskipanir við góðum úrslitinum, sigur hann.

Forsetin í Aserbadjan, Ilham Aliyev, heldur valúrslitið verða greitt tekin um, at russiska fólkið vil eisini hava lóg og landaskil í Russlandi næstu seks árini, sum fer at bøta um livikorini enn meira.

Eisini forsetanir í Hvítarusslandi, Venesuela og Kuba hava borið russiska forsetanum góðynski.

Vladimir Putin fekk sløk 75 prosent av atkvøðunum á russiska forsetavalinum í gjár.

Eygleiðarabólkar siga, at valið fór ikki rætt fram.

Har vóru fleiri falskir atkvøðuseðlar, og somu fólk atkvøddu fleiri ferðir, skriva altjóða miðlar.