Varðhaldsfongsling longd

Hon er nú til 20. apríl. Varðhaldsfongslingin varð longd í Føroya rætti fríggjadagin.

Tveir menn vórðu tiknir síðst í desember og varðhaldsfongslaðir, skuldsettir fyri grovan harðskap. 

Menninir, sum eru 35 og 45 ára gamlir, nokta seg sekar í skuldsetingini.

Teir eru skuldsetir fyri í einum sethúsum í Havn at hava sparkað, sligið og trampað ein 46 ára gamlan mann í andlitið.

Politiið hevur roynt at avhoyrt álopna mannin, men uttan at fáa nakað burtur úr tí.

Kanningarnar hjá politinum eru lidnar, men bíðað verður eftir læknametingunum.