Bíða eftir kanning frá skaðanevndini

Strandfaraskip Landsins bíða eftir frágreiðingini hjá donsku skaðanevndini um vanlukkuna á Kirkju í Fugloynni tann 11.mars, tá ein ferðamaður, sum skuldi um borð á Rituna, fór á sjógv og doyði. Maðurin var staðkendur. 

Strandfaraskip Landsins fingu at vita í fjør frá ráðgevarafyritøkuni Knud E. Hansen, at skipanir eru, sum fáa fólk trygt í land og trygt umborð, hóast umstøðurnar eru tær somu sum á útoyggj í Føroyum.

Eisini hevur manningin á Rituni gjørt leiðsluna á Strandferðsluna varuga við vandan, sum er við atløguviðurskiftunum í Fugloynni.

Men stjórin, Hilmar Eliasen, hevur ongar viðmerkingar um vanlukkuna á Kirkju, fyrr enn frágreiðingin kemur frá skaðanevndini.

Den Maritime Havarikommission kom alt fyri eitt til Føroya at kanna vanlukkuna a Kirkju og skrivar nú frágreiðing um hana.

Eingin hevur biðið um sjófrágreiðing um hendingina á Kirkju sunnudagin 11.mars.