Flestu føroyingar biðja fleiri ferðir um vikuna

Kanningin er gjørd í samstarvi við greiningarfyritøkuna Lóður. Hon varð gjørd á sumri í 2017, og 532 tilvildarliga vald fólk ímillum 15 og 75 ár luttóku.

Sum fjórði parturin í sjónvarpsrøðini Gud signi Føroyar avdúkaði, hevur ein av spurningunum til endamáls at kanna, hvussu ofta føroyingar biðja til Gud. Kanningin spurdi:

Hvussu ofta biður tú til Gud, tá møti/gudstænastur ikki er íroknað?

bøn gud signi føroyar

41 % svaraðu, at tey bóðu til Guð einaferð um dagin ella oftari. 22 % svaraðu, at tey bóðu til Gud fleiri ferðir um vikuna. 13 % søgdu, at tey bóðu til Gud fleiri ferðir um árið, og 20 % svaraðu, at tey bóðu sjáldnari ella ongantíð. 4 % søgdu seg ikki vita.

Tað vil siga, at 63 % av øllum føroyingum siga seg biðja til Gud fleiri ferðir um vikuna - ella oftari.

Samanbera vit økini kring landið, er stórur munur á svarunum, eins og í undanfarnum sendingum. Í Norðoyggjum og Eysturoynni svara 54%, at tey biðja til Gud einaferð um dagin ella oftari. Í høvuðsstaðnum svara 29 %, at tey biðja einaferð um dagin ella oftari, og í restini av landinum er hetta talið 44%. Úrslítini býtast soleiðis:

bøn

Sást tú ikki seinasta part av Gud signi Føroyar, so finnur tú partin her.