Hevði Darwin rætt? Føroyar eitt undantak í Evropa

12.04.2018 - 19:45
MentanÁtrúnaður
Hevði Darwin rætt? Føroyar eitt undantak í Evropa
Mótstøðan ímóti menningarlæruni er nógv sterkari í Føroyum enn í restini av Evropa. Tað vísir kanning í sjónvarpsrøðini Gud signi Føroyar
Føroyar eru eitt eindømi í Evropa í mun til spurningin um evolutión ella skapan.
 

Helmingurin av føroyingum vrakar menningarlæruna, sum upprunaliga varð sett fram av Charles Darwin í 1859. Menningarlæran er læran um, at alt lív hevur ein felags uppruna, og at alt lív hevur ment seg ígjøgnum milliardir av árum.

Mótstøðan ímóti menningarlæruni verður staðfest í eini kanning um trúgv og lívsáskoðan, sum Kringvarpið hevur gjørt saman við greiningarfyritøkuni Lóður í sambandi við nýggju sjónvarpsrøðina Gud signi Føroyar.

Globalt á einum fimta plássið

Fyri at kunna samanbera við onnur lond er hesin spurningurin umsettur orð fyri orð eftir eini altjóða kanning hjá stóru ensku hagtalsfyritøkuni Ipsos Mori.

23 lond úr øllum heimspørtum luttóku, og tá vit koyra Føroyar inn í kanningina, sæst, at Føroyar eru millum tey londini í heiminum, har flest fólk vraka menningarlæruna og halda, at gud skapti menniskjuni.

Føroyar eru á fimta plássi eftir Saudi Arabia, Turkaland, Indonesia og Suðurafrika.

Føroyar eitt eindømi í Evropa

Um vit bara hyggja at evropeisku londunum í kanningini, sæst, at talið av kreationistum er nógv tað hægsta í Føroyum.

Føroyar eru altso eitt eindømi í Evropa í mun til spurningin um evolutión ella skapan.

Greiningarfyritøkan Lóður gjørdi kanningia á sumri í 2017, og 532 tilvildarliga vald fólk ímillum 15 og 75 ár luttóku.

Er kopiera
Nýggjastu sendingar í ÚV
Leygardag 18. september
Brunsj við Poul Rustin
128761
Leygardag 18. september
Jambalaja 180921
128758
Leygardag 18. september
Morgunlestur leygardagur 18.september 2021
128185
Fríggjadag 17. september
Nón 17. september 2021
128734
Nýggjastu sendingar í SV
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578