Lærarafelagið tapti mál um uppsagnarløn

Lærarafelagið fekk ikki Føroya rætt at døma Frískúlan við Hoyvíkstjørn ella Adventistaskúlan at gjalda lærarum slakar 620.000 kr. í uppsagnarløn.

Skúlin varð frídømdur og Lærarafelagið skal gjalda skúlanum 70.000 kr. í sakarkostnaði. 

Tá Frískúlin við Hoyvíkstjørn gavst í 2014, vórðu allir lærarar skúlans sagdir úr starvi. 

Træta var um hvørt tað varð gjørt á rættan hátt og trætan endaði við, at Lærarafelagið stevndi Frískúlanum.

Rætturin sigur, at lærararnir hava fingið ta uppsagnarløn, sum teir hava rætt til, og, at teir eru sagdir úr starvi á rættan hátt. 

Tí er Frískúlin við Hoyvíkstjørn, ella Adventistaskúlin, sum hann vanliga varð róptur, frídømdur.