Meslingar í Evropa

Meslingar ganga í Grikkalandi, Italia og pørtum av Fraklandi, og tí kann vandi vera á ferð, sigur Serumstovnurin.

Í fjør vórðu yvir 21.000 fólk í Europa smittað við meslingum, og tað vóru fýra ferðir fleiri enn árið fyri.

Í Rumenia ganga meslingar eisini, og har eru yvir 1.700 tilburðir staðfestir í ár.

Serliga óheppin tykist støðan vera í Fraklandi, tí har eru tilburðirnir trífaldaðir síðani í mars, og í Italia eru tilburðirnir tvífaldaðir í sama tíðarskeiði.

Í fjør var Danmark sagt at vera frítt fyri meslingar, men kortini vóru nakrir tilburðir, og allir komu við fólki úr øðrum londum.

Størsta orsøkin til, at meslingarnir taka seg upp aftur, er, at flestu londini ikki hava eina nóg góða vaksinatiónsskipan, og tí er ringt at fáa tamarhald á sjúkuni.

Síðani 1. apríl hava allir danir, sum ikki eru vaksineraðir ímóti meslingum, havt møguleikan at latið seg vaksinerað fyri at steðga meslingunum.

Í Danmark verða børn vaksinerað ímóti meslingum, tá tey eru 15 mánaðir gomul, men tað kann gerast fyrr, um farið verður til eitt øki, har meslingar ganga.