Strandferðslan leigar avloysaraskip úr Danmark

Katamaranurin, sum er ein skjóttgangandi bátur, tekur 98 ferðafólk, og hann verður fyrst settur í siglingina um Nólsoyargjørð umleið 22. mai, upplýsir Hilmar Eliasen, stjóri á Strandferðsluni. 

Tá verður Sildberin aftur settur í sigling millum Sand og Skúvoy.

Katamaranurin tekur ikki bilar, men nakað av farmi.

Teistin fer at á sleipistøð í næstum, og tá verður Ternan sett í siglingina um Skopunarfjørð. Katamaranurin, sum nú verður leigaður, kann eisini brúkast til siglingina út í Hest.

Strandferðslan eigur pening tøkan í rakstrinum at leiga katamaranin fyri, og tí er ikki neyðugt at biðja um eykajáttan, sigur Hilmar Eliasen.

Meira verður at frætta í tíðindunum klokkan fýra.