- Tíðindi, mentan og ítróttur
ST heitir á Iran og Ísrael um at binda frið
ST heitir á Iran og Ísrael um at binda frið
ST-aðalskrivarin, Antonio Guterres, heitir á bæði Iran og Ísrael um at steðga øllum fíggindaligum atgerðum, so tað slepst undan ófriði í Miðeystri
11.05.2018 - 08:53
Í gjáranáttina skutu iranskar deildir í Sýria rakettir eftir ísraelskum herstøðum á umstríddu Golan-heyggjunum.
Ísrael svaraði aftur við at skjóta rakettir eftir iranskum støðum í Sýria. 23 fólk doyðu, sigur sýriski stovnurin fyri mannarættindi, sum hevur heldur til í Bretlandi.
Ísraelska álopið var hitt harðasta á sýriskari jørð, síðani Yom Kippur-kríggið í 1973, tá ein sýrisk-egyptisk samgonga leyp á Ísrael.
Eisini ES hevur heitt á partarnar um at binda frið.
Bretski forsætisráðharrin, Theresa May, hevur tosað við ísraelska starvsbróðurin, Netanyahu. Hon leggur dent á, at Ísrael hevur rætt til at verja seg.
Er kopiera
Nýggjastu sendingar í ÚV
Nýggjastu sendingar í SV
