Náttúrustuðul latin

Tórshavnar kommuna letur í ár 175.000 kr. í stuðli til verkætlanir, sum menna vitanina um umhvørvið, virka dálkingarfyribyrgjandi, virka orku- og tilfeingissparandi, verja landsløg, djóra- og plantusløg og kunna almenningin um umhvørvisviðurkskifti. 

Tað skrivar kommunan á heimasíðuni.

Lítli skúli fær 25.000 kr., Eigarafelagið í Tórsbyrgi, Lágargarður, Boðanesheimið og grannar fáa 75.000 kr., og náttúrulærararnir í Eysturskúlanum fáa 75.000 kr.

Í ár varð Grøna virðislønin hjá Tórshavnar kommunu latin Eyðuni á Borg, sum er lærari í Argja Skúla. 

Grøna gávan frá Etika verður í ár latin átakinum Diskosuppan hjá felagsskapinum Slow Food Føroyar.

Slow Food Føroyar er ein altjóða felagsskapur, sum vil hava øll at eta mat, sum er góður fyri fólk og góður fyri jørðina. 

Diskosuppan skipar fyri supputiltøkum, har allur maturin, sum verður nýttur í suppuni, er fingin ókeypis frá handlum og heilsølum eitt leygarkvøld, matur, sum annars hevði blivin tveittur burtur.

Grøna gávan frá Etika er peningur fyri vatn, sum er selt á matstovuni Etika.