Borgarstjóralønin hækkar 10.500 um mánaðin

22.05.2018 - 13:16
AktueltPolitikkur
Borgarstjóralønin hækkar 10.500 um mánaðin
Lønin hjá borgarstjóranum í Havn hækkar úr sløkum 64.000 um mánaðin upp í 74.560 kr. Hetta er ein mánaðarlig lønarhækking uppá góðar 10.500 krónur
 

Men eftirlønin minkar nógv. Hon verður 15 %, sum eru góðar 11.000 kr. um mánaðin.

Sum er, kostar eftirlønin hjá borgarstjóranum kommununi slakar 63.000 krónur um mánaðin. Pengarnir verða settir av til eftirlønina.

Broytingarnar, sum býráðið í Havn skal taka støðu til hóskvøldið, spara kommununi 624.000 krónur um árið.

Borgarstjórin hevur rætt til fulla eftirløn, sum er næstan 800.000 krónur um árið, eftir átta ár í starvinum.

Men býráðið skal eisini taka støðu til, um býráðslimir skulu fáa eftirløn av sínum samsýningum og fundarpengum.

Lógarkravið er 12 %, men umsitingin hjá kommununi mælir til, at eftirlønin verður 15 %, sum hon er í flestu sáttmálum hjá fakfeløgunum.

Hetta fer at kosta kommununi okkurt um 350.000 krónur um árið.

Samtykkir býráðið hesar broytingar, skulu tær góðkennast í Fíggjarmálaráðnum, sum skal broyta kunngerðina um samsýning til kommunustýrislimir. 

Er kopiera
Nýggjastu sendingar í ÚV
Nýggjastu sendingar í SV
Hósdag 6. oktober
Flóttafólk 1:2
145866
Mikudag 5. oktober
Úr savninum: Soleiðis liva tey enn 2:2
145847
Sunnudag 2. oktober
Úr savninum: Staksmentan í besta blóma
145663
Sunnudag 2. oktober
Andakt við Høgna Johannesen
145656
Sunnudag 2. oktober
Guðstænasta í Kvívíkar kirkju
145660