Arbeiðsloysi hægri enn áður upplýst

Higartil eru tølini um arbeiðsloysi kunngjørd mánaðin eftir. Men hetta verður ikki galdandi fyri hendan mánaðin.

Tað merkir, at arbeiðsloysið nú í mai til dømis ikki verður kunngjørt fyrr enn í juli, tí tá eru allar skrásetingar komnar.

Hagstovan hevur tikið hetta stigið, eftir at talið fyri mars vísti seg at vera skeivt.

Arbeiðsloysið í mars var 2,3 % og ikki 2,2 %.

Árstíðarjavnað vóru 631 fólk fulltíðararbeiðsleys í mars og ikki 610, sum fyrr varð upplýst.

Hetta kemst av, at fleiri skrásetingar nú eru komnar fyri mars, sum ikki vóru við í uppgerðini fyri einum mánað síðan.