Enn langt millum partarnar

Semingsstovurin hevur aftur fund við Maskinmeistarafelagið og Lønardeildina hjá Fíggjarmálaráðnum í dag kl.14.00.

Langt er millum partarnar, sigur Terji Sigurðsson, semingsmaður. Hann veit ikki, nær semingin er búgvin til semingsuppskot, men tað er verri enn so enn. Partarnir vóru á fundi allan dagin í gjár, og fundast varð til klokkan 21.30.

Fundirnir eru í Skibsteds pakkhúsi í Havn, sum Semingsstovnurin hevur fingið at brúka til semingsroyndir.

Samráðingarnar millum Fíggjarmálaráðið og Maskinmeistarafelagið byrjaðu 12. mars, tá krøvini vórðu handað.

Talan er um at gera nýggjar sáttmálar fyri alment settar maskinmeistarar á landi við Strandfaraskipum landsins, á vaktarskipunum og Magnusi Heinason.

Hesir sáttmálar fóru úr gildi 1. oktober í fjør.

Samráðingarnar bóru ikki á mál, so Semingsstovnurin varð boðsendur.