Halda tíggjuáradagin hjá standmynd av Gøtutróndi

Tann 12.juli í ár eru liðin tíggju ár, síðani standmyndin av Tróndi í Gøtu varð avdúkað.

Nøkur fólk í Eysturkommunu hava fingið 40.000 kr. frá kommununi til at halda dagin.

Kommunan hjálpir harafturat til við trygdartiltøkum og prýðing hendan dagin.  

Dagurin verður hildin 12.juli, hóast hetta er hósdagurin á G-festivalinum. 

Dagurin verður hildin millum annað við fólkafundi.

Í mentanarpolitikkinum hjá Eysturkommunu stendur, at kommunan skal lofta teimum hugskotum, sum koma frá mentanarøkinum.  

Hetta hugskotið kemur frá fólki, sum taka stig til tiltak, sum setur ljós á Eysturkommunu og siðsøguliga virðið, sum Tróndur í Gøtu hevur.

Tí mælir umsitingin hjá Eysturkommunu til at stuðla tiltakinum.

Og tað ger býráðið eisini.