Hátíðarhald í Marghøllini í Vági

Dagurin verður skipaður við røðum, tónleikaframførslum og ítróttar-innsløgum.

Kl. 16 bjóðar leiðarin fyri høllina, Jens Petur Brattalíð, vælkomin. Síðani flyta Anna B. Samuelsen, forkvinna í Vágs Ítróttarráð, og Dennis Holm, borgarstjóri, fram røður. Og eftir hetta fer ein gamal VB’ari alment at taka Marghøllina í Vági í nýtslu. 

Á skránni er eisini fótbóltsdystur millum FM-vinnararnar hjá VB frá 2000 og leikarum úr TB, Sumba og Royn frá sama ári. 

Frælsur Ítróttur Føroya luttekur eisini og vísir, hvussu eitt nú startur og rimarenning gongur fyri seg.

Tónleikinum standa Kirkjukórið Ljómur, Orðið á borðið, Robert McBirnie og Hjalmar & Dagfinn fyri. 

Almenna hátíðarhaldið verður frá í dag kl. 16 til kl. 19 í Marghøllini í Vági.