Vil hava at vita, hvør rindar fyri bjarging

Hvussu ofta hevur tyrlan bjargað útlendskum ferðafólki seinastu trý árini?

Tað vil Kári P. Højgaard, løgtingsmaður, hava at vita frá Høgna Hoydal, landsstýrismanni.

Tingmaðurin spyr eisini, hvør ber útreiðslurnar, og um allur kostnaðurin verður endurrindaður?

Í viðmerkingunum til spurningin, sigur tingmaðurin, at ikki so sjálvdan eru tíðindi at hoyra í fjølmiðlunum, at fólk hava biðið um hjálp, tí tey eru vilst ella hava gingið seg í óføri.

Ikki so sjáldan er brúk fyri tyrluni, og hon er dýr í rakstri. 

Tí er spurningurin viðkomandi, um talan er um eina útreiðslu fyri Føroyar, hvørja ferð bjargingartiltøk verða sett í verk, ella um persónarnir ella teirra tryggingar rinda fyri tað, sigur Kári P. Højgaard í viðmerkingum til fyrispurninginum.