Lógligt at roykja kannabis í Kanada

Kanada er sostatt fyrsta av sjey teimum størstu ídnaðarlondunum í heiminum, sum tekur hetta stigið. 

Nýggja lógin varð samtykt við 205 atkvøðum fyri og 82 ímóti. Uppskotið skal nú viðgerast og samtykkjast í yvirhúsinum. 

Parlamentslimirnir kunnu tó fáa málið í drag og sostatt forða stjórnini, men tað forðar tó ikki fyri, at lógin verður samtykt.

Eftir tað skal Julie Payette, guvernørur, skriva undir lógina, og tað verður helst miðskeiðis í septembermánaði.

Lyftið hjá kanadiska forsetanum, Justin Trudeau, undir valstríðnum í 2015 var, at kannabis skal gerast lógligt at roykja í Kanada.

Hann viðgekk eisini, at hann hevði roykt kannabis fimm-seks ferðir við vinum sínum. 

Stjórnin hevur havt sum mál longu í ár at gera kannabis lógligt, at gera tað lógligt at roykja og at selja tað.

Kanadiska hagstovan sigur, at handil við kannabis er verdur 5,7 milliardir kanadiskar dollarar um árið.