Bilur rent á býarbuss á Vegnum Langa

Stutt eftir klokkan fýra seinnapartin hendi eitt ferðsluóhapp á Vegnum Langa í Hoyvík.

Ein persónbilur kom av einhvørjari orsøk yvir í skeivu síðu á vegnum og rendi saman við ein býarbuss.

Løgreglan mælir fólki frá at koyra eftir Vegnum langa, tí ein bilur stendur á vegnum og tarnar ferðsluni. 

Sjúkrabilur er á staðnum, og fólk frá løgregluni royna at leiða ferðsluna. 

Førarin, sum var einsamællur í persónbilinum, varð fluttur á Landssjúkrahúsið til kanningar. Men sum skilst á vakthavandi á politistøðini fekk førarin ikki stóran skaða.

10 fólk vóru í býarbussinum, og tey sluppu uttan snuddir.

Fleiri myndir eru á Portal.fo og kunnu síggjast her.