Eldur í húsi í Bjargamansdali

Tað vísti seg, at eldur var í einum húsi í Bjargamansdali.

Tyrla varð boðsend, og hon fór til Klaksvíkar eftir sløkkiliðsmonnum.

Men í Bjargamansdali var ov nógvur vindur, so tyrlan fekk ikki sett seg.

Hon fór aftur til Klaksvíkar við fólkinum og fór so í Bjargamansdal við einum politisti og sløkkiliðsleiðaranum í Klaksvík. Nú fekk tyrlan sett seg, tí hon var lættari.

Men tá var húsið at kalla niðurbrent.

Politiið heldur seg nú kunna staðfesta, at einki fólk var í húsinum.

Men fólk var har fríggjadagin og leygardagin.

Ikki er greitt, hví eldur kom í, men tað verður kannað.