Minni fiskur í Barentshavinum

Tað hevur verið nógvur fiskur í Barentshavinum í fleiri ár, og eitt skifti  var kvotan omanfyri eina millión tons.

Men nú minkar toskurin, og so má fiskiskapurin leggjast til rættis eftir tí, sigur norski granskingarstjórin, Geir Huse.

Kvotan var í hæddini í 2003 og helt sær har í fleiri ár, men seinastu árini er toskurin minkaður, og tí verður mælt til at áseta kvotuna fyri næsta ár til 100.000 tons minni enn í ár.

Í ár mælti ICES til at fiska 712.000 tons av toski í Barentshavinum, men norðmenn og russarar gjørdu av at áseta kvotuna til 775.000 tons.

Fiskiskapurin eftir øðrum fiskasløgum norðanfyri 62 stig er eisini minkandi. Mælt verður til at minka kvotuna av hýsu úr 202.000 tonsum niður í 152.000 tons, og kvotuna av upsa úr 172.000 tonsum niður í 150.000 tons í 2019.

Russland og Noreg fara at áseta endaligu kvoturnar á fundi í oktober. Upsakvotuna tekur Noreg einsamalt avgerð um.