Kirkjugarðurin í Hoyvík liðugur til várs

Annað byggistig av kirkjugarðurin í Hoyvík, sum er omanfyri Klingruna, er liðugt, og umleið 350 gravir standa klárar í nýggja kirkjugarðinum. 

Tað skrivar Tórshavnar kommuna á heimasíðuni.

Nú er eftir at gera eitt nú parkeringsøki og atkomuveg, kantsteinar, asfaltering, kloakk og rørføringar, skrivar kommunan.

KONSAX hevur givið tilboð at gera kirkjugarðin lidnan, býráðið játtaði herfyri at seta av 8,5 milliónir til liðugtgerð av kirkjugarðinum.

Mett verður, at kirkjugarðurin verður liðugur um 8 - 12 mánaðir, tað vil siga á vári 2019.