Fólkatalið í Vági vaksið

Vágs kommuna hevur samanborið fólkatalið í Suðuroynni 1. mai 2013 við fólkatalið 1. mai 2018.

Einasta kommuna í oynni, sum hevur fingið fleiri fólk hesi árini, er Vágs kommuna, sum er vaksin 70 fólk.

Í fimm kommunum í Suðuroynni er fólkatalið minni nú, enn tað var í 2013.

Í Sumbiar kommunu var fólkatalið tað sama 1. mai 2018, sum tað var 1. mai 2013.

Í Vágs kommunu er fólkatalið vaksið 5,4 % síðani 2013, næstan tað sama sum í øllum landinum, har tað vaks 5,6 %.

Sum heild minkaði fólkatalið í Suðuroynni 1,2 % frá 1. mai 2013 til 1. mai 2018.

Tann 1. mai í ár búðu 1369 fólk í Vágs kommunu.