Skógareldar í Svøríki

Herviligir skógareldar herja í Svøríki, og eldur er í einum 80 støðum kring Svøríki, sigur svenska SVT.

Tyrlur royna at basa eldunum, men trupult er hjá teimum at sleppa nær eldinum. Bjargingarliðini hava heitt á svenskarar, sum eru tætt við eldin, at sleppa sær burtur. 

Svensku myndugleikararnir heita eisini á sjálvboðin við góðari heilsu um at koma og hjálpa. Tað er fyrst og fremst til eldin Pålgård í Ragunda kommununi, har biðið verður um eini 20 sjálvboðin koma at hjálpa, sigur SVT.

Eisini hava svensku myndugleikarnir biðið um hjálp frá ES, og sambært DR.dk koma eldsløkkingarflogfør úr Italia seinnapartin at hjálpa. 

Norskar tyrlur hjálpa frammanundan svensku myndugleikunum at basa skógareldinum. 

Summir eldar væntast at herja á í øllum førum í tríggjar dagar afturat, og støðan er sera hættislig.