Flestu línuskip høvdu rakstrarhall í fjør

Ráðgevaraparturin hjá grannskoðanarvirkinum NUMO hevur aftur í ár greinað línuflotan, tað eru línuskipini yvir 110 tons.

Eitt opið føroyskt hav kundi verið við til at ment hendan partin av flotanum, sigur NUMO, skilt á tann hátt, at møguligt kundi verið at útvega sær veiðiloyvi, sum hóska til hendan fiskiskapin á øllum teimum økjum, sum landið hevur ræðið á fiskirættindum. 

Skulu línuskipini noyðast at útvega sær veiðirættindi á uppboðssølu, eru tey, sum eru á ísfiskaveiðu, ikki fíggjarliga væl fyri at standa seg í kappingini, sigur NUMO. Frystilínuskipini eru betur fyri.

Betri prísir og fíggjarinntøkur hjá onkrum skipi gjørdi, at raksturin hjá línuskipunum var betri í 2017, enn hann var í 2016.