Landasorg lýst í Grikkalandi

Alexis Tsipras, forsætisráðharri í Grikkalandi, hevur lýst landasorg í tríggjar dagar, sigur AFP tíðindastovan.

Bjargingarfólk funnu í morgun 26 lík millum hús norðan fyri høvuðsstaðin Athen.

Meira enn 300 sløkkiliðsfólk royna at fáa tamarhald á eldinum, men tað er ikki eydnast enn, og Grikkaland hevur biðið umheimin um hjálp.

Eldarnir kyknaðu í gjár, og tað er serstakliga í býunum Mati, Kineta, Rafina og í Athen, at eldarnir herja, sigur DR.