Vatnbyrging á Laos skrædnað

Byrgingin stendur í ger, og fimm milliónir rúmmetrar av vatni floymdu yvir seks bygdir í økinum. Sløk 7.000 fólk hava mist hús og heim. 

Thongloun Sisioulith, forsætisráðharri í Laos, hevur vitjað í vanlukkurakta økinum.

Fólkið í teimum seks bygdunum hava biðið um neyðhjálp, mat, drykkivørur, heilivág og klæðir.

Einki telefonsamband er í økinum, og myndugleikar vita ikki at siga, júst hvussu nógv fólk hava latið lív. 

Sambært eigaranum skrædnaði byrgingin orsakað av grimdarregni, sum hevur varað í langa tíð og fylt byrgingina við ov nógvum vatni.  

Ætlanin er at byggja fleiri vatnorkuverk í Laos næstu árini, og nógv kjak hevur verið um hesa æltanir.

Umhvørvisfelagsskapar finnast eitt nú at stóru ætlanunum, tí vatnorkuverkini ávirka runtumliggjandi gróðurin og dýraríkið, sum lokalu samfeløgini eru bundin av.