Grótið frá Sandoyartunlinum tyrvast

Grótið frá Sandoyartunlinum tyrvast
Fyribils er ætlanin, at grótið, sum kemur úr Sandoyartunlinum, Streymoyarmegin, skal tyrvast.
 
06.08.2018 - 17:26

Teitur Samuelsen, stjóri í tunnilsfelagnum, sigur at felagið nú bíðar eftir eini góðkenning frá Búnaðarstovuni til ætlanina, men at Tórshavnar kommuna hevur hevur samtykt hana.

Tilsamans kemur umleið ein hálv millión kubikkmetrar av gróti úr Sandoyartunnlinum, sum koma upp streymoyarmegin.

Fýra uppskot komu inn

Tað komu fýra ítøkilig uppskot inn um nýtslu av grótinum.

Tórshavnar kommuna hevði ætlanir um eitt bústaðarøki á Velbastað, men tað var ikki stór undirtøka fyri tí, og tann ætlanin var slept.

Byggifyritøkan J&K Petersen hevði eitt uppskot um at nýta grótið til at gera eitt nýtt ídnaðarøki á Velbastað. Størsti parturin av grótinum, sum kemur upp á Streymoynni, skuldi brúkast til ta verkætlanina. Tekniska umsitingin hjá Tórshavnar kommunu hevur mælt til at geva loyvi til ætlanirnar, og tí tilmælinum hevur byggi- og býarskipanarnevndin eisini valt at fylgja. Higartil eru tær ætlanir tó ikki komnar longur enn tað.

Eitt uppskot kom úr Kirkjubø, at fylla í aftur økið millum Kirkjubøhólman og landið. Men Kirkjubøar- og Velbastaðarnevndin mælti heldur til at brúka grótið til eina bakkaverju framman fyri kirkjuna í Kirkjubø. Tórshavnar kommuna samtykti eisini at taka undir við teimum ætlanunum, men friðingarnevndin má taka undir við tí, áðrenn farast kann undir tað arbeiðið.

Møguleiki fyri at brúka grótið til annað endamál

Seinasta uppskotið er so uppskotið frá tunnilsfelagnum um at tyrva grótið í einum øki norðanfyri vakstrarhúsið á Velbastað. Higartil er tað tað einasta uppskotið, ið ítøkiliga verður arbeitt víðari við í løtuni.

Jákup Dam, virkandi formaður í Byggi- og Býarskipanarnevndini, sigur, at kommunan hevur samtykt ætlanirnar hjá tunnilsfelagnum at tyrva grótið, men hevur samstundis tryggja sær, at grótið kann nýtast á annan fullgóðan hátt.

Tað vil siga, at um aðrar verkætlanir gerast veruleiki, so er møguleiki at brúka grótið til annað endamál.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585