Útbjóða íbúðarbygging á Frúutrøð

Freistin at lata umsókn um at blíva undangóðkend er sett til 13. august 2018, tað er komandi mánadag.

Øll hava møguleika at søkja um at verða undangóðkend. Tey, sum bjóða uppá verkætlanina, binda seg til at byggja, fíggja og umsita íbúðir, umframt parkering og fríøki, sum hoyrir til.

Hetta merkir, at tilboðsgevarar eru toymi skipað við ráðgevum, umboðum frá byggivinnuni, íleggjarum og eisini persónum/fyritøkum, ið kunnu umsita leiguíbúðir.

Ætlanin er at byggja 50 íbúðir á Frúutrøð. Helvtin skal vera leiguíbúðir, hin helvtin luta- og eigaraíbúðir.

Fyrst í 2019 fæst at vita, hvør vinnur útbjóðingina upp á verkætlanina um íbúðarbyggingina á Frúutrøð. Byggingin á Frúutrøð verður væntandi liðug í 2021.