Ógvusligur turkur í stórum pørtum av Avstralia

Ógvusligur turkur er í avstralska deilstatinum New South Wales, skrivar BBC.

Myndugleikarnir í Australia hava í dag alment staðfest, at 100 % av statinum er rakt av turki - 25 % av ógvsligum turki.

New South Wales er fólkaríkasti staturin í Avstralia og stendur fyri einum fjórðingi av framleiðsluni av landbúnaðarvørum hjá landinum. 

Høvuðsstaður í New South Wales er Sydney, sum er fólkaríkasti býur í Avstralia.

Trupulleikin er ikki bara í New South Wales, men helvtin av Queensland og partar av Victoria og Suðuraustralia hava eisini trupulleikar, tí tað hevur regnað ov lítið.

Í pørtum av New South Wales hevur regnað minni enn 10 millimetur í julimánað.