Vil avtaka friðingarnevndir

Vil avtaka friðingarnevndir
Sirið Stenberg, landsstýriskvinna, vil, at lógirnar um margfeldi og náttúrufriðing verða lagdar til Umhvørvisstovuna at umsita.
 
15.08.2018 - 07:49

Tað ætlar Sirið Stenberg, landsstýriskvinna, sum hevur sent trý uppskot um náttúru- og umhvørvisvernd til hoyringar. 

Broytingaruppskotini hava samband við uppskotið um fyrisiting av margfeldinum í føroysku náttúruni, sum er á veg í løgtingið.

Nú ætlar landsstýriskvinnan at broyta tríggjar lógir afturat, lógina um náttúrufriðing, lógina um kærunevnd í lendismálum og lógina um umhvørvisvernd.

Landsstýriskvinnan vil, at lógirnar um margfeldi og náttúrufriðing verða lagdar til Umhvørvisstovuna at umsita.

Tí verða staðbundnu náttúrufriðingarnevndirnar og Yvirfriðingarnevndin tiknar av.

Landsstýriskvinnan skjýtur eisini upp, at kærumálsviðgerðin, sum í dag er hjá Heilsu- og innlendismálaráðnum, verður flutt í eina kærunevnd undir Føroya kærustovni. 

Ætlanin er at víðka Kærunevndina í lendismálum, so hon eisini fer at fevna um náttúru- og umhvørvismál. Kærunevndin verður víðkað við tveimum limum, sum skulu vera kønir í náttúru- og umhvørvismálum.

Kærunevndin í lendismálum kemur tí í staðin fyri landsstýrisfólkið sum kærumyndugleiki.

Heilsu- og innlendismálaráðið metir, at Umhvørvisstovan má seta nýggjan fulltrúa at umsita lógina um margfeldi og náttúrufriðing. Mælt verður til at játta 660.000 krónur til hetta. 

Samstundis sparir landið 500.000 krónur, sum eru játtaðar til náttúrufriðingarnevndirnar.

Men í einari skiftistíð má játtan tó vera tøk til friðingarnevndirnar, so tær fáa avgreitt tey mál, sum eru til viðgerðar, tá nýggja lógin kemur í gildi, sigur Heilsu- og innlendismálaráðið. 

Sambært lógaruppskotinum skulu avgerðir sambært náttúrumargfeldislógini, náttúrufriðingarlógini og umhvørvisverndarlógini kunna kærast til víðkaðu Kærunevndina í lendismálum, sum broytir navn til Kærunevndin í náttúru-, umhvørvis- og lendismálum.

Mett verður, at Kærunevndin í fyrstu syftu fær í mesta lagi tíggju kærur um árið sambært hesum lógunum.

Mælt verður til at hækka samsýningina til forkvinnuna ella formannin í Kærunevndini úr 2.500 upp í 3.500 krónur um mánaðin og samsýningina til hini í nevndini úr 1.250 upp í 1.750 krónur um mánaðin. 

Broytingaruppskotið hevur eisini við sær, at Føroya kærustovnur fer at fáa brúk fyri einum royndum løgfrøðingi afturat.

Tí verður mælt til at hækka játtanina til Kærustovnin 660.000 krónur.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585