Váta summarið oyðileggur málaravinnuna í Íslandi

- Vit hava fyrr havt vát summur, men einki hevur verið so ringt sum í ár, sigur Ívar Tór Hilmarsson við Morgunblaðið. Hann hevur arbeitt í málaravinnuni í 19 ár.

Og hagtølini tala fyri seg. Summarið hevur verið sera vátt í landsynningspartinum av Íslandi. Í juli vóru bara fimm turrir dagar. Eisini í mai og juni var nógv meira avfall enn í miðal.

Hilmarsson sigur, at allar uttanduraverkætlanir eru seinkaðar, og at summar rætt og slætt mugu útsetast til næsta summar.

- Óvæntað æl, sum vara í tíggju minuttir, kunnu oyðileggja eitt heilt dagsverk, og tú kanst ikki líta á veðurvánirnar, sigur hann við Morgunblaðið.