Rennibreytin í Klaksvík liðug í næsta ár

Klaksvíkar kommuna og byggifelagið Kanjon hava gjørt sáttmála um rennibreyt og fótbóltsvøll.

Ætlanin er, at rennibreytin og eyka fótbóltsvøllurin verða liðug í 2019. 

Fótbóltsvøllurin, sum nú skal gerast í Klaksvík, verður líka stórur sum ein vanligur fótbóltsvøllur, sum tann, sum longu er í Klaksvík.

Signhild V. Johnannesen, forkvinna í Mentanarnevndini í býráðnum í Klaksvík, sigur, at Svimjihøllin skal eisini útbyggjast. 

Í fíggjarætlanini fyri 2018 hevur býráðið í Klaksvík sett av 12 milliónir krónur til íløgur í ítróttarannlegg, og settar eru eisini av 12 milliónir í 2019.