Ferðsluljós við Glasir

Ferðsluljós við Glasir
Tórshavnar kommuna hevur gjørt av at seta ferðsluljós upp við tvey av vegamótunum millum Glasir og Marknagilsvegin.
Ferðsluljós skulu setast upp við tvey av vegamótunum millum Glasir og Marknagilsvegin.
Mynd: Tórshavnar kommuna / www.torshavn.fo  
 
28.08.2018 - 15:38

Á heimasíðuni hjá Tórshavnar kommunu stendur at lesa, at avgerð er tikin um at seta ferðsluljós upp við tvey av vegamótunum millum Glasir og Marknagilsvegin. Atkomuviðurskiftini við Glasir skulu viðgerast komandi hóskvøld á býráðsfundi. 

Fleiri hava lagt merki til ruðulleikan, sum hevur valdað á Marknagilsvegnum, síðani Glasir læt dyrnar upp fyri gott og væl 1.700 næmingum og lærarum. Nú ætlar Tórshavnar kommuna at bøta um ferðsluviðurskiftini við skúladepilin. 

Ætlanin er, at vegurin skal verða býttur í trý spor, umframt at ferðslulummar til bussin og súkklubreytir skulu gerast á báðum síðum. 

Sambært kommununi fer arbeiðið ikki at ávirka ferðsluna nevnivert, tí Marknagilsvegurin er longu so breiður, og umfatandi broytingar eru ikki neyðugar. 

Ítøkiliga snýr hendan viðgerðin seg um vegastrekkið millum bæði ferðsluljósini norðan fyri Glasir.

Er kopiera
Nýggjastu sendingar í ÚV
Mikudag 23. juli
Morgunlestur mikudagur 23. juli 2025
194846
Týsdag 22. juli
Morgunlestur týsdagur 22. juli 2025
194833
Mánadag 21. juli
Poppverturin
194207
Nýggjastu sendingar í SV
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844