Kioskin hjá Náttarravnunum takast niður

Kioskin Náttarravnar við Steinatún í Havn skal takast niður.

Tað samtykti Tórshavnar býráð einmælt í gjárkvøldið og játtaði samstundis 30.000 krónur til niðurtøkuna.

Tann, sum nú leigar Náttarravnar, vil gevast, men annar leigari vil taka við. Og onnur hava eisini sýnt áhuga. Náttarravnar selja lættan mat vikuskiftisnætur.

Umsitingin hjá kommununi sigur, at einki søguligt ella byggilistarligt virði er í kioskini. Tí mælir umsitingin til at taka kioskina Náttarravnar niður og leggja flísar, har hon stóð. 

Ætlanin er annars at leggja tekju á ein part av Steinatúni, og undir henni skulu vera bussskýli og kunningartænasta.

Verkætlanin Steinatún verður framd í trimum byggistigum.

Ætlanin er at taka virksemið hjá kioskini Náttarravnum við í heildarætlanina fyri Steinatún, tá farið verður undir at skipa triðja byggistigið í verkætlanini.