- Tíðindi, mentan og ítróttur
Stór høll við stóra tjørn
![](https://kvf.fo/sites/default/files/styles/grein-ovasta-mynd/public/storatjorn-google-earth.jpg?itok=oKYl9bYI)
Stóratjørn er nú komin á dagsskránna aftur.
Millum annað tí, at har ætlar Tórshavnar kommuna at byggja stórhøll.
Bæði málini, Stóratjørn og stórhøllin, eru á skránni til býráðsfundin í Havn hóskvøldið.
Tórshavnar kommuna skal brúka meira byggilendi til bústaðir, frítíð, vinnu og annað.
Tí ætlar býráðið nú at fara undir at skipa økið við Stórutjørn í Hoyvíkshaganum.
Gomul ætlan
Í 2007 var arbeitt við einari ætlan um at skipa eina serstaka byggisamtykt fyri Stórutjørn,.
Økið var sett av til vinnuøki, bústaðarbygging, ítróttar- og frítíðarvirksemi og almenn fríøki.
Eisini var árinskanning gjørd í sambandi við byggisamtyktina.
Men einki spurdist burturúr tá.
Stór høll
Á býrðáðsfundinum hóskvøldið skal býráðið taka avgerð um fígging til málið um Stórutjørn.
Á fundinum skal býráðið eisini taka støðu til kravfestingina fyri stórhøllina, so fyrireikingarnar kunnu byrja.
Stórhøllin skal rúma alskyns ítróttagreinum á altjóða stigi og konsertum.
Býráðið ætlar at fáa privatar íleggjarar við til at fíggja byggingina og virksemið í stórhøllini.