Stongdu Norðoyatunnilin í hálvan tíma

Løgreglan noyddist tíðliga seinnapartin steingja Norðoyatunnilin, tí sýnið var vánaligt av royki.

Talan var um ein bil, sum var uppsteðgaður í tunlinum, og nógvur svarmur stóð av honum.

Løgreglan kann stýra útluftingini í undirsjóvartunlunum frá høvuðsstøðini í Havn, og tað varð eisini gjørt í dag, sigur vakthavandi. 

Vifturnar vórðu tendraðar og settar at blæsa, og samstundis fór løgregla og sløkkilið á staðið, men tá var uppsteðgaði bilurin longu farin.

Tunnilin var stongdur góðan hálvan tíma, upplýsir vakthavandi.