Koyrdi eitur í pinkubarnamat

Fimm gløs við eitraðum pinkubarnamati vórðu sett á hillarnar í fleiri stórhandlum í týska býnum Ravenburg í fjør.

Í hvørjum glasi var eiturløgurin ethylenglycol, sum kann drepa eitt barn. Men byrgt varð fyri tí.

Maðurin, sum tá var 53 ára gamal, varð tikin í málinum, og hann er nú dømdur 12 ár og seks mánaðar fongsul fyri drápsroynd í fimm førum og fyri at hava roynt at kroysta pening úr fólki.

Tá maðurin hevði sett gløsini við eitraða matinum á hillina, setti hann seg í samband við leiðararnar í handlinum og kravdi at fáa nærum 12 milliónir evrur, ella umleið 87 milliónir krónur í okkara peningi. 

Maðurin játtaði seg sekan í peningakroysting, men hann hevur noktað seg sekan í ákæruni um drápsroynd. 

Maðurin sigur, at hann framdi gerðina, tí hann um tað mundið var sera vátligur og tók nógvan heiligvág fyri pínu.

Áðrenn rættarmálið byrjaði, varð maðurin kannaður, men kanningin staðfesti ikki, at hann hevur persónleikaólag.

Maðurin hevur eina viku at taka støðu til, um dómurin skal skjótast ikki fyri hægri rætt.