Ognarfelagið eykaaðalfund fríggjadagin

Ein tómur sessur er í nevndini, eftir at Teitur Poulsen fyri góðum mánaði síðani takkaði fyri seg sum mótmæli móti, at nýggi stjórin, Ben Arabo, varð koyrdur úr starvi sínum.

Teitur Poulsen var næstformaður í nevndini, tá hann legði frá sær, og Gunn Danielsen tók við tí uppgávuni eftir hann. 

Tað eru teir 35 umboðsráðslimirnir í Ognarfelagnum, sum er valt av tryggingartakarunum, ið velur nevndina í PF Betri. 

Endamálið hjá Ognarfelagnum er at umsita stóru ognirnar, og tað verður gjørt umvegis partafelagið Betri, sum er skipað sum eitt samtak við móðurfelagi og trimum dótturfeløgum, har eitt av hesum feløgum eisini eigur egið dótturfelag.

Eykaaðalfundurin í Ognarfelag Tryggingartakaranna verður seinnapartin í morgin klokkan fimm.