Stórhøll byggjast við Stjórutjørn

Eitt uppskot frá Javnaðarflokkinum í býráðnum í Tórshavnar kommunu um at byggja stórhøllina við Tórsbreyt og endan á R.C. Effersøesgøtu fall á býráðsfundinum í gjárkvøldið.

Stórhøllin verður bygd við Stórutjørn, samtykti meirilutin í býráðnum.

Tekniski stjórin, býararkitekturin og Byggi- og býarskipanarnevndin mæltu til, at stórhøllin verður staðsett í økinum við Stórutjørn.

Men Fíggjarnevndin var ikki samd.

Haðani komu tvey tilmæli til býráðsfundin í gjárkvøldið.

Minnilutin, Heðin Mortensen og Tróndur Sigurðsson, mælti til at byggja stórhøllina á Hálsi.

Meirilutin, Annika Olsen, Bergun Kass og Gunvør Balle, mælti til at byggja høllina við Stórutjørn.

Og tað varð samtykt á býráðsfundinum í gjárkvøldið.