- Tíðindi, mentan og ítróttur
Endurskoða Kærustovnin
![](https://kvf.fo/sites/default/files/styles/grein-ovasta-mynd/public/aksel_v._johannesen_5.jpg?itok=DBuZuXc3)
Tá Kærustovnurin helt 20 ára stovningardag sín fríggjadagin, segði løgmaður, at framtíðin hjá Kærustovninum skal viðgerast nú.
Hann spurdi, um Kærustovnurin skal gerast ein fyrisitingardómstólur, so hann kann taka avgerðir í ávísum kærumálum.
Men løgmaður kundi ikki svara spurninginum.
Hann helt tó, at vit eiga at byrja eitt orðaskifti um framtíðina hjá Kærustovninum.
Løgmaður segði, at tað er ein royndur lutur, at seinastu árini eru nógv nýggj fakøki løgd til Kærustovnin, og nýggjar kærunevndir eru settar.
Tað setir stór krøv til førleikarnar hjá starvsfólkunum á Kærustovninum, sum skulu fevna um alt frá barnavernd til fjarskifti, ella frá rættindum hjá sálarsjúkum til posteftirlit.
Kærustovnurin umsitur nú 11 fakøki.