Framsóknarkvinnur taka uppskotið aftur

Tingkvinnurnar hjá Framsókn løgdu upprunaliga eitt uppskot fyri løgtingið av sínum eintingum, um at leingja fiskidagaskipanina. Uppskotið varð tulkað sum eitt misálit á landsstýrismannin við fiskivinnumálum.

Men í kvøld er boðskapurin ein annar. Í einum tíðindaskrivi frá Akseli V. Johannesen, Høgna Hoydal og Poul Michelsen er boðskapurin:

"Tingkvinnurnar hjá Framsókn boða frá, at tær taka uppskotið aftur, ið varð lagt fram á løgtingi herfyri."

Alt tíðindaskrivið kann lesast her

Nýtt uppskot í næstum

Sambært floksformonnunum fer landsstýrismaðurin í fiskivinnumálum í næstum at leggja fram uppskot um, hvussu farast skal fram viðvíkjandi botnfiskaveiðini undir Føroyum í 2019 – harundir spurningarnar um umsitingarætlanir og fiskidagar og kvotur.