Semingsroynd fyrrapartin

Klokkan 10 fer Semingsstovnurin aftur á fund við Skipara og Navigatørfelagið og Lønardeildina hjá Fíggjarmálaráðnum.

Partarnir hittust fríggjadagin, men hava ikki fundast um vikuskiftið.

Sjey samráðingarfundir vóru millum Lønardeildina og Føroya Skipara og Navigatørfelag um nýggjan sáttmála fyri Strandferðsluna. Men partarnir gjørdust ikki samdir, og tí bóðu teir Semingsstovnin koma uppí.

Semingsstovnurin roynir eisini at fáa semju í lag millum Ljósmøðrafelagið og Lønardeildina, men Terje Sigurðsson, semingsmaður, sigur í morgun, at har er onki at frætta, annað enn at gongd er á málinum.