Semingsstovnurin ger einki fyribils

Semingsstovnurin fylgir gongdini í verkfallinum hjá ljósmøðrunum, men hann ger einki fyribils.

Tað sigur Terje Sigurðsson, semingsmaður.

Hvørki Ljósmøðrafelagið ella Lønardeildin í Fíggjarmálaráðnum hava heitt á semingsstovnin um at fara undir nýggja semingsroynd.

- Men partarnir eru altíð vælkomnir at seta seg í samband við okkum, sigur Terje Sigurðsson.

Ljósmøðurnar fóru í verkfall seinnapartin hósdagin, eftir at tær fyrr í vikuni vrakaðu eitt semingsuppskot.