Ógreitt ábyrgdarbýti við Glasir

bannari
Ógreitt ábyrgdarbýti við Glasir
Løgtingsgrannskoðararnir hava í ársfrágreiðingini víst á fleiri viðurskifti á Glasi, sum ikki hava verið nøktandi.
 
13.11.2018 - 13:56

- Tað riggar illa við fleiri ábyrgdarhavarum.

Soleiðis skrivar landsgrannskoðarin í skrivi til løgtingið um Glasir, verkætlanina við skúladeplinum í Marknagili í sambandi við ársfrágreiðing sína.

Landsgrannskoðanin lat Løgtinginum ársfrágreiðingina í september í ár.

Løgtingsgrannskoðararnir hava víst á fleiri viðurskifti, sum ikki hava verið nøktandi. M.a. at samskiftið millum tey, sum varða av Skúladeplinum, hevur ikki verið nøktandi, og tað hevur riggað illa við fleiri ábyrgdarhavarum. 

Í frágreiðingini skrivar landsgrannskoðarin, at ein generellur trupulleiki fyri byggiverkætlanir er, at tær verða dýrari enn ætlað. 

Í uppskoti til samtyktar um at góðkenna landsroknskapin fyri 2016 vístu løgtingsgrannskoðararnir eisini á, at tað hevði riggað illa við fleiri ábyrgdarhavarum, og at talan var um eitt fløkt ábyrgdarbýti, sum hevði við sær iva um, hvør veruliga hevði ábyrgd av hvørjum. 

- Kommandolinjan hevði ikki verið nøktandi og hevði í besta føri havt við sær veikleikar, stendur í frágreiðingini.

Kjakið eftir Dag og Viku í kvøld verður um Glasir og fløkta ábyrgdarbýtið av verkætlanini. 

Gestir í sjónvarpsstovuni vera Rigmor Dam, landsstýriskvinna í mentamálum, og Jørgen Niclasen, formaður í Fólkaflokkinum.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470