Brúgvin í Mykineshólm í vanda fyri afturlating

Brúgvin millum Mykines og Mykineshólm er nú í so ringum standi, at hon er farin upp á stig fýra, sum er næst ringasta stig.

Nú eru 32 brýr í landinum, sum eru á stigi fýra, sigur Samferðslumálið í brævi til Fíggjarnevndina.

Landsverk letur fimta hvørt ár gera eina støðulýsing, har allar 340 brýrnar hjá landinum verða kannaðar. 

Støðulýsingin verður gjørd eftir sama leisti, sum verður brúktur í Danmark.  

Brýrnar fáa stig frá einum til fimm. 

Í Føroyum eru 32 brýr á fjórða stigi, sum merkir, at tær mugu gerast innan stutta tíð, annars kunnu tær ikki brúkast.

Men á triðja stigi eru 220 brýr.

Hetta eru brúgvar, sum eisini krevja viðlíkahald um heilt stutta tíð, men ikki eru komnar líka langt í niðurbrótingini, sum brýrnar á fjórða stigi.