Semingsroyndin heldur fram seinnapartin

Semingsroyndin millum Ljósmøðrafelagið og Lønardeildina í Fíggjarmálaráðnum heldur fram seinnapartin.

Partarnir fóru til hús um ellivu tíðina í gjárkvøldið. Tá hevði semingsstovnurin sitið við teimum í umleið 13 tímar.

Avtalað er at hittast aftur í dag klokkan 13.

Terje Sigurðsson, semingsmaður, hevur onga viðmerking í morgun, tá vit spyrja, um nøkur framstig vórðu gjørd í semingsroyndini í gjár.

Men í gjárkvøldið segði Terje Sigurðsson, at semingsstovnurin leggur dent á, at partarnir sjálvir samráða seg til rættis um ein nýggjan sáttmála, og eingin ætlan var um at leggja nýtt semingsuppskot fram.

Í dag klokkan 15 eru fjúrtan dagar, síðani ljósmøðurnar fóru í verkfall.